ພິທີເຊັນສັນຍາສະຖານີລົດເມຂອງWTC ລະຫວ່າງ ບໍລິສັດ ພັດທະນາ ລາວ ສາກົນ ຈໍາກັດ ( Lao International Development Co., Ltd ) ແລະ ບໍລິສັດ ນະຄອນຫຼວງຂົນສົ່ງໂດຍສານ ຈໍາກັດ ( Lao Capital Transport Co., Ltd ) ຂອງ ກຸ່ມບໍລິສັດລາວ ກອນສິນ ສາກົນ ໄດ້ຈັດຂື້ນວັນທີ 29/10/2019 ທີ່ນະຄອນຫຼວງວຽງຈັນ ເຊິ່ງຕ່າງໜ້າໂດຍ ປະທານ ກຸ່ມບໍລິສັດ ລາວ ກອນສິນ ສາກົນ ທ່ານ ອາຊື ກອນສິນ ພ້ອມດ້ວຍຄະນະ ແລະ CEO ຂອງ ບໍລິສັດ ພັດທະນາ ລາວ ສາກົນ ຈໍາກັດ ຕ່າງໜ້າໂດຍ ທ່ານ Xiao Long ພ້ອມດ້ວຍຄະນະ. ຈຸດປະສົງຈະຕັ້ງສະຖານີລົດເມຢູ່ໃນWTCເປັນສູນກາງຜ່ານຂອງການຂົນສົ່ງ ແລະ ອ້ອມຕົວເມືອງນະຄອນຫຼວງວຽງຈັນ ໃນໄລຍະທຳອິດຈະເປີດໃຫ້ບໍລິການ 3 ສາຍ ຄື : WTC--ຕະຫຼາດສົງເປືອຍ, WTC--ຂົວມິດຕະພາບລາວໄທ, WTC--ສະຖານີລົດໂດຍສານສາຍໃຕ້--ດອນໜູນ. ໃນພິທີເຊັນສັນຍາ, ທ່ານ Xiao Long ຜູ້ຈັດການໃຫຍ່ ຂອງ ບໍລິສັດ ພັດທະນາ ລາວ ສາກົນ ຈໍາກັດ ໃຫ້ເຫັນວ່າ ການຮ່ວມມືນີ້ແມ່ນການຮ່ວມມືທີ່ແໜ້ນແຟ້ນລະຫວ່າງສອງບໍລິສັດ, ມີຜົນປະໂຫຍດເຊິ່ງກັນ ແລະ ກັນ, ການພັດທະນາຮ່ວມກັນ, ສ້າງຄວາມສະດວກໃຫ້ແກ່ຜູ້ໂດຍສານໃນການເດີນທາງ. ທ່ານ ອາຊື ກອນສິນ ປະທານໃຫຍ່ ຂອງກຸ່ມບໍລິສັດລາວ ກອນສິນ ສາກົນ ໄດ້ໃຫ້ເຫັນວ່າ ການຮ່ວມມືໃນຄັ້ງນີ້ ມີຄວາມໝາຍ ແລະ ຄວາມສຳຄັນຫຼາຍ, ເຊິ່ງສະແດງວ່າ ການຂົນສົ່ງໂດຍສານໃນນະຄອນຫຼວງວຽງຈັນຈະມີການພັດທະນາ ແລະ ກໍໄດ້ຜົນງານປະກອບສ່ວນໃຫ້ແກ່ສັງຄົມ. ທ່ານ Liu Jianyong ເລຂາທິການຂອງສະມາຄົມການຄ້າຂາຍລົດໃຫຍ່ຂອງສະຫະພັນອຸດສາຫະກຳ ແລະ ການຄ້າ, ໄດ້ຊົມເຊີຍການເຊັນສັນຍາໃນຄັ້ງນີ້ປະສົບຜົນສຳເລັດຢ່າງສຸດໃຈ.
