ວັນທີ 11 ສິງຫາ 2019 ຜ່ານມາ ທີ່ເຂດເສດຖະກິດສະເພາະບຶງທາດຫຼວງ ນະຄອນຫຼວງວຽງຈັນ ໄດ້ມີພິທີປິດການແຂງຂັນກີລາແຂ່ງລົດອ໊ອບໂຣດນາໆຊາດ “ The International Off Road Challenge Laos 2019 ” ໂດຍເຂົ້າຮ່ວມໃນພິທີມີທ່ານ ສົມພູ ພົງ¬ສາ ຜູ້ຊ່ວຍລັດ¬ຖະ¬ມົນ¬ຕີ ກະ¬ຊວງສຶກສາທິການ ແລະ ກິລາ, ຮອງຫົວ¬ໜ້າກົມກິລາລະ¬ດັບສູງ ກະ¬ຊວງ ສສກ, ປະ¬ທານສະ¬ຫະ¬ພັນກກິລາລົດໃຫຍ່ ແລະ ລົດ¬ຈັກແຫ່ງຊາດລາວ, ທ່ານ ອາຊື ກອນສິນ ປະທານກຸ່ມບໍລິສັດ ລາວ ກອນສິນ ສາກົນ ຈຳກັດ ຜູ້ສະໜັບສະໜູນຫຼັກ ພ້ອມດ້ວຍບັນ¬ດາຄະ¬ນະນໍານັກ¬ກິລາ ແລະ ສື່ມວນຊົນເຂົ້າຮ່ວມ.
ທ່ານ ສົມພອນ ສະຫວັດວິພານ ປະ¬ທານສະ¬ຫະ¬ພັນກີ¬ລາລົດໃຫຍ່ ແລະ ລົດ¬ຈັກແຫ່ງຊາດລາວ ໄດ້ກ່າວວ່າ: ໃນການຈັດການແຂ່ງຂັນຄັ້ງນີ້ ແມ່ນສຳເລັດລຸລ່ວງເປັນໄປຕາມແຜນທີ່ວາງໄວ້ ທັງນີ້ ກໍເພື່ອເປັນການສົ່ງເສີມການທ່ອງທ່ຽວ ໂດຍສະເພາະປີນີ້ເປັນປີທ່ອງທ່ຽວລາວ-ຈີນ ເຜີຍແຜ່ວັດທະນະທຳອັນດີງາມຂອງຊາດ ພ້ອມທັງເປັນການຊຸກຍູ້ອຸດສາຫະການລົດຍົນພາຍໃນປະເທດ ແລະ ການແຂ່ງຂັນກິລາປະເພດນີ້ໃຫ້ເປັນທີ່ຮູ້ຈັກ ແຜ່ຫຼາຍຍິ່ງຂຶ້ນ.
ນອກຈາກນີ້ ທ່ານ ອາຊື ກອນສິນ ປະທານກຸ່ມບໍລິສັດ ລາວ ກອນສິນ ສາກົນ ຈຳກັດ ຜູ້ສະໜັບສະໜຸນຫຼັກ ໃຫ້ຊາບວ່າ: ໃນງານແຂ່ງຂັນກີລາຄັ້ງນີ້ ທາງກຸ່ມບໍລິສັດຂອງພວກເຮົາກໍໄດ້ສະໜັບສະໜູນ ຊຸກຍູ້ສົ່ງເສີມ ໃຫ້ງານຄັ້ງນີ້ປະສົບຜົນສຳເລັດ ຊຶ່ງປີທີ່ຜ່ານມາທາງກຸ່ມບໍລິສັດພວກເຮົາກໍໄດ້ຊ່ວຍເຫຼືອມາໂດຍຕະຫຼອດ ແລະ ປີຕໍ່ໆໄປທາງກຸ່ມບໍລິສັດຈະພິຈາລະນາສະໝັບສະໜູນການແຂ່ງຂັນລາຍການນີ້ຕື່ມອີກ.
ແຂ່ງ¬ຂັນກີລາແຂ່ງລົດອ໊ອບໂຣດນາໆຊາດ “ The International Off Road Challenge Laos 2019 ” ໃນຄັ້ງນີ້ ຈັດຂຶ້ນລະ¬ຫວ່າງວັນທີ 9-11 ສິງ¬ຫາ 2019 ມີລົດເຂົ້າຮ່ວມທັງໝົດ 100 ຄັນ ຈາກ 6 ປະ¬ເທດ ປະ¬ກອບດ້ວຍ: ສສ ຫວຽດ¬ນາມ ໄທ ມາເລເຊຍ ກຳ¬ປູ¬ເຈຍ ມຽນມາ ແລະ ສປ ຈີນ ມີແຂ່ງ¬ຂັນທັງໝົດ 7 ຮຸ່ນ.