ກຸ່ມບໍລິສັດ ລາວ ກອນສິນ ສາກົນ ຈຳກັດ

ໄດ້ສ້າງຕັ້ງຂື້ນໃນວັນທີ 23/11/2017 ໂດຍໄດ້ຮັບອະນຸຍາດຈາກກົມທະບຽນ ແລະ ຄຸ້ມຄອງວິສາຫະກິດ ກະຊວງອຸດສາຫະກຳ ແລະ ການຄ້າ ເລກທີ 1138 /ຈທວ. ດຳເນີນທຸລະກິດດ້ານ: ພັດທະນາອະສັງຫາລິມະຊັບສະເພາະດ້ານປຸກຕຶກ, ອາຄານ, ອາພາດເມັນ ເພື່ອໃຫ້ເຊົ່າ ຫຼື ຂາຍ. ບໍລິຫານຈັດການວິສາຫະກິດໃນກຸ່ມ. ກຸ່ມບໍລິສັດ ລາວ ກອນສິນ ສາກົນ ຈຳກັດ ປະກອບມີ 11 ບໍລິສັດ ຄື:

1, ໂຮງຊວດຈຳ ຈິ່ງເຊີນ, ໄດ້ສ້າງຕັ້ງຂື້ນໃນວັນທີ 3/8/2012 ໂດຍໄດ້ຮັບອະນຸຍາດ ຈາກພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ເລກທີ 2222 /ຫຈທ ແລະ ທະນາຄານແຫ່ງ ສປປ ລາວ ເລກທີ 13/ກຄສງ, ດຳເນີນທຸລະກິດດ້ານ: ບໍໍລິການການເງິນ ແລະ ຮັບຈຳນຳວັດຖຸມີຄ່າ.

2, ບໍລິສັດ ລາວ ກອນສິນ ຈຳກັດຜູ້ດຽວ, ໄດ້ສ້າງຕັ້ງຂື້ນ ໃນວັນທີ 17/6/2014 ໂດຍໄດ້ຮັບອະນຸຍາດ ຈາກພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ, ໃບທະບຽນວິສາຫະກິດ ເລກທີ 0531/ຈທວ,ດຳເນີນທຸລະກິດດ້ານ: ຊື້-ຂາຍສິນຄ້າອອນລາຍ ແລະ ເປັນຕົວແທນຈໍາໜາຍ ແລະ ຂາຍສິນຄ້າໃຫ້ລູກຄ້າ ທັງພາຍໃນ ແລະ ຕ່າງປະເທດ. ຕິດຕັ້ງ-ສ້ອມແປງອຸປະກອນໄອຊີທີ. ສ້າງ ແລະ ບໍລິການຊອບແວ. ນຳເຂົ້າ ແລະ ສົ່ງອອກ (ຜະລິດຕະພັນ ກະສີກຳ ຫັດທະກຳ ອຸດສາຫະກຳ ແຮ່ທາດທີ່ໄດ້ຮັບການປຸ່ງແຕ່ງແລ້ວ)

3, ບໍລິສັດ ກອນສິນ ກໍ່ສ້າງ ຈຳກັດຜູ້ດຽວ, ໄດ້ສ້າງຕັ້ງຂື້ນ ໃນວັນທີ 14/9/2015 ໂດຍໄດ້ຮັບອະນຸຍາດຈາກພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ໃບທະບຽນວິສາຫະກິດ ເລກທີ 0672/ຈທວ, ດຳເນີນທຸລະກິດດ້ານ: ກໍ່ສ້າງ ແລະ ສ້ອມແປງ ເຄຫາສະຖານ, ຂົວ-ທາງ.

4, ບໍລິສັດ ລາວ ກອນສິນ ບໍ່ແຮ່ ຈຳກັດຜູ້ດຽວ, ໄດ້ສ້າງຕັ້ງຂື້ນ ໃນວັນທີ 6/9/2016 ໂດຍໄດ້ຮັບອະນຸຍາດຈາກພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ໃບທະບຽນວິສາຫະກິດ ເລກທີ 764/ຈທວ, ດຳເນີນທຸລະກິດດ້ານ: ບໍລິການຊອກຄົ້ນ, ສຳຫຼວດ, ຂຸດຄົ້ນ, ຫີນ-ຊາຍ ແລະ ແຮ່ທາດ.

5, ບໍລິສັດ ລາວຢັ້ງສື້ ມີເດຍສາກົນ ຈຳກັດ, ໄດ້ສ້າງຕັ້ງຂື້ນ ໃນວັນທີ 23/8/ 2018 ໂດຍໄດ້ຮັບອະນຸຍາດຈາກພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ໃບທະບຽນວິສາຫະກິດ ເລກທີ 0842/ຈທວ, ດຳເນີນທຸລະກິດດ້ານ: ປ້າຍໂຄສະນາໃຫ້ເຊົ່າ, ອອກແບບໂຄສະນາສິນຄ້າ ແລະ ບໍລິການ, ຈັດງານຟ້ອນສິນລະປະວັດທະນະທຳ, ຈັດງານອີ່ເວັນ ແລະ ຜະ ລິດລາຍການໂທລະພາບ.

6, ບໍລິສັດ ຢາສູບ ອາຊີສາກົນ ຈຳກັດ, ໄດ້ສ້າງຕັ້ງຂື້ນ ໃນວັນທີ 24/12/ 2018, ໂດຍໄດ້ຮັບອານຸຍາດຈາກ ສະພາບໍລິຫານເສດຖະກິດ ນະຄອນຫຼວງວຽງຈັນ ໃບທະບຽນວິສາ ຫະກິດ ເລກທີ 058/ນອຄວ, ດຳເນີນທຸລະກິດດ້ານ: ນຳເຂົ້າວັດຖຸດິບ ຜະລິດເຄິ່ງສຳເລັດຮູບ ແລະ ສຳເລັດຮູບຢາສູບສົ່ງອອກຕ່າງປະເທດ.

7, ບໍລິສັດ ກອນສິນ ພັດທະນາອະສັງຫາລິມະຊັບ ຈຳກັດ, ໄດ້ສ້າງຕັ້ງຂື້ນ ໃນລົງວັນທີ 23/01/ 2019 ໂດຍໄດ້ຮັບອະນຸຍາດຈາກພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ໃບທະບຽນວິສາຫະກິດ ເລກທີ 0067/ຈທວ, ດຳເນີນທຸລະກິດດ້ານ: ພັດທະນາອະສັງຫາລິມະຊັບສະເພາະດ້ານ: ປຸກຕຶກ, ອາຄານ, ອາພາດເມັນ ເພື່ອໃຫ້ເຊົ່າ ຫຼື ຂາຍ.

8, ບໍລິສັດ ລາວ ສາກົນ ບໍ່ແຮ່ ຈໍາກັດຜູ້ດຽວ, ໄດ້ສ້າງຕັ້ງຂື້ນ ໃນວັນທີ 27/08/2019 ໂດຍໄດ້ຮັບອະນຸຍາດຈາກກົມ ທະບຽນ ແລະ ຄຸ້ມຄອງວິສາຫະກິດ ກະຊວງອຸດສາຫະກຳ ແລະ ການຄ້າ, ໃບທະບຽນວິສາຫະກິດ ເລກທີ 1422 /ຈທວ, ດຳເນີນທຸລະກິດດ້ານ: ທີ່ປຶກສາ, ບໍລິການທາງດ້ານແຮ່ທາດ, ຈຳໜ່າຍແຮ່ທາດຕ່າງໆ ທັງພາຍໃນ ແລະ ຕ່າງປະເທດ.

9, ບໍລິສັດ ລາວ ໂບຣກເກີ ປະກັນໄພ ຈຳກັດຜູ້ດຽວ, ໄດ້ສ້າງຕັ້ງຂື້ນ ໃນວັນທີ 30/08/2019 ໂດຍໄດ້ຮັບອະນຸຍາດຈາກກົມທະບຽນ ແລະ ຄຸ້ມຄອງວິສາຫະກິດ ກະຊວງອຸດສາຫະກຳ ແລະ ການຄ້າ, ໃບທະບຽນວິສາຫະກິດ ເລກທີ 1467/ຈທວ, ດຳເນີນທຸລະກິດດ້ານ:  ຂາຍປະກັນໄພທົ່ວໄປ, ບໍລິການແກ້ໄຂອຸປະຕິເຫດ, ຝຶກອົບຮົມການແກ້ໄຂອຸປະ ຕິເຫດ.

10, ບໍລິສັດ ກອນສິນໂດຍສານ ຈຳກັດຜູ້ດຽວ, ໄດ້ສ້າງຕັ້ງຂື້ນ ໃນວັນທີ 29/11/2019 ໂດຍໄດ້ຮັບອະນຸຍາດຈາກກົມທະບຽນ ແລະ ຄຸ້ມຄອງວິສາຫະກິດ ກະຊວງອຸດສາຫະກຳ ແລະ ການຄ້າ, ໃບທະບຽນວິສາຫະກິດ ເລກທີ 2224/ຈທວ, ດຳເນີນທຸລະກິດດ້ານ:  ບໍລິການຂົນສົ່ງ ໂດຍສານ ພາຍໃນປະເທດ, ບໍລິການຂົນສົ່ງໂດຍສານຕ່າງປະເທດ.

ພວກເຮົາໄດ້ຢຶດຖື ຄວາມຊື່ສັດ ດຸໝັ່ນ ຮັບຜິດຊອບ ອົດທົນ ສູ່ຊົນ ສາມັກຄີ ໄດ້ພັດທະນາຢ່າງບໍ່ຢຸດຢັ້ງ

ນັບ​ຕັ້ງແຕ່​ວັນ​ສ້າງຕັ້ງສາຂາ​ບໍລິສັດ​ ແລະ ກຸ່ມ​ບໍລິສັດ​ ລາວ ​ກອນ​ສິນ​ ສາກົນ​ ຈໍາກັດ ທີ່​ຜ່ານ​ມາ, ທາງ​ກຸ່ມ​ບໍລິສັດ​ຂອງ​ພວກ​ເຮົາ​ກໍ່​ໄດ້​ຢຶດ​ຖື​ຄວາມ​ຊື່ສັດ, ດຸ​ໝັ່ນ, ຮັບຜິດຊອບ, ​ອົດທົນ, ສູ່ຊົນ, ສາມັກຄີ, ​ພັດທະນາ​ຕະຫຼອດ​ມາ​ ຢຶດ​ຖື​ເອົາ​ການ​ບໍລິການສັງຄົມ ແລະ ລູກ​ຄ້າ​ເປັນ​ຫຼັກ​ ນຳ​ໃຊ້​ວິຊາ​ສະເພາະ, ຄຸນນະພາບ, ​ບໍລິຫານ, ຄວາມ​ປອດ​ໄພ, ຮັບ​ປະກັນ​ດ້ານ​ເຕັກ​ໂນ​ໂລ​ຊີ​ທີ່​ທັນ​ສະໄໝ. ການ​ພັດທະນາ​​ກຸ່ມ​ບໍລິສັດ​ໄດ້​ຮັບຜົນສໍາເລັດເທື່ອ​ລະ​ກ້າວ, ພວກເຮົາຢຶດຖື​ຄວາມ​ສັດຊື່​ ຈິງໃຈບໍລິການ​ລູກ​ຄ້າ ແລະ ສັງຄົມ, ​ກ້າວໄປ​ສູ້​ຄວາມ​ສຳເລັດ.

ໃນ​ການ​ດຳເນີນ​ທຸລະ​ກິດ​ໃນ​ອະນາ​ຄົດ ຂອງກຸ່ມ​ບໍລິສັດ ​ລາວ ກອນ​ສິນ​ ສາກົນ ຈໍາກັດ ຈະ​ໄດ້​ເຂັ້ມ​ງວດ, ປະຕິ​ຮູບ​ ແລະ ປັບປຸງໃໝ່ຂື້ນເລື້ອຍໆ ຈະ​ຮັກສາ​ຈຸດ​ດີເດັ່ນ ແລະ ຍົກ​ສູງ​ຄຸນນະພາບທາງ​ດ້ານ​ທຸລະ​ກິດ, ​ສ້າງສາ ກຸ່ມ​ບໍລິສັດ​ເປັນ​ວິ​ສາ​ຫະ​ກິດ​ທີ່​ມີ​ຄວາມ​ສາມາດ​ລະດັບສູງ ເຂົ້າ​ສູ່ເວທີສາກົນ, ພາໃຫ້​ປະຊາຊົນ​ລາວ​ມີ​ຄວາມ​ພູມໃຈ​ທີ່​ມີ​ວິ​ສາຫະ​ກິດ​ລາວ​ເຂົ້າ​ໃນ​ລະດັບ​ໜ້າ​ຂອງ​ໂລກ.

ຂ້າພະເຈົ້າ​ໃນ​ນາມ​ປະທານ​ໃຫຍ່​ຂອງກຸ່ມ​ບໍລິສັດ ລາວ ​ກອນ​ສິນ​ ສາກົນ​ ຈໍາກັດ ໄດ້ນໍາພາ​ບໍລິຫານບັນດາບໍລິສັດ ແລະ ກຸ່ມ​ບໍລິສັດ ມາ​ເປັນ​ເວລາ​ຫຼາຍ​ປີ ໄດ້ປະຕິບັດ​ດ້ວຍຄວາມໝັ້ນ​ໃຈ ເປັນໄປຕາມເປົ້າ​ໝາຍ​ໃນແຜນການ ແລະ ​ອຸດົມ​ການ ດ້ວຍຄະຕິ​ທີ່​ວ່າ :

" ບໍ່​ມີ​ໂອກາດ ຊອກ​ຫາ​ໂອກາດ, ມີ​ໂອກາດແລ້ວ ຮັກສາໂອກາດ, ພັດທະນາໂອກາດ ຈຶ່ງສໍາເລັດແນ່ນອນ "

ດັ່ງນັ້ນ, ຂ້າພະເຈົ້າເຊື່ອໝັ້ນວ່າ: ໃນຄວາມພະຍາຍາມ, ອົດທົນ, ສູ່ຊົນສຸດຄວາມສາມາດ ໄດ້ນໍາພາໃຫ້ກຸ່ມບໍລິສັດເຂົ້າສູ່ລະດັບໜ້າຂອງໂລກ.