ໃນວັນທີ 24/09/2024 ທ່ານ ອາຊື ກອນສິນ ປະທານ ກຸ່ມບໍລິສັດ ລາວ ກອນສິນ ສາກົນ ຈໍາກັດຜ້ດຽວ ໄດ້ມອບເງິນ ຈຳນວນ 50,000,000 ກີບ ໃຫ້ທ່ານ ປອ ຄຳແພງ ໄຊສົມແພງ ເຈົ້າແຂວງແຂວງຫົວພັນ ເພື່ອປະກອບສ່ວນຊ່ວຍເຫຼືອຜູ້ປະສົບໄພພິບັດ ນ້ຳຖ້ວມທີ່ເກີດຂື້ນຢູູ່ເມືອງຊຳເໜືອ ແຂວງຫົວພັນ.
ທ່ານ ອາຊື ກອນສິນໄດ້ສະແດງຄວາມເສຍໃຈ ແລະ ຄວາມສົງສານໄປຍັງຜູ້ປະສົບໄພ ແລະ ເກີດການເສຍຫາຍຢ່າງຫຼວງຫຼາຍຂອງ ປະຊາຊົນ ແລະ ພາກລັດແຂວງຫົວພັນ ໝັ້ນໃຈວ່າ ພາຍໃຕ້ການນຳພາສູ້ຊົນ ແລະ ການຊີ້ນຳຂອງທ່ານເຈົ້າແຂວງຫົວພັນ ພ້ອມດ້ວຍ ພາກລັດ ແລະ ປະຊາຊົນຮ່ວມແຮງຮ່ວມຈິດຮ່ວມໃຈພ້ອມກັນຕ້ານໄພພິບັດນ້ຳຖ້ວມໃນຄັ້ງນີ້ໃຫ້ໄດ້ຜ່ານຜົ້ນສິ້ນສຸດ ແລະ ເມືອງຊຳ ເໜືອແຂວງຫົວພັນ ພ້ອມດ້ວຍຊີວິດການເປັນຢູ່ຂອງປະຊາຊົນໄດ້ປົກກະຕິ ແລະ ຟື້ນຟູໄປສູ່ສະພາບເດີມໃນໄວໆນີ້.
ທ່ານເຈົ້າແຂວງຫົວພັນກໍໄດ້ສະແດງຄວາມຂອບໃຈ ແລະ ຍ້ອງຍໍ ທ່ານ ອາຊື ກອນສິນ ໄດ້ມອບເງິນປະກອບສ່ວນຊ່ວຍເຫຼືອຜູ້ປະ ສົບໄພພິບັດນ້ຳຖ້ວມ ບໍ່ພຽງແຕ່ແມ່ນວັດຖຸປັດໃຈ ຍັງເປັນກຳລັງໃຈ ແລະ ການຊຸກຍຸ້ສົ່ງເສີມ ສະໜັບສະໜູນ, ພາກລັດຈະນຳໃຊ້ເງິນ ດັ່ງກ່າວສະເພາະຜູ້ປະສົບໄພພິບັດນ້ຳຖ້ວມເທົ່ານັ້ນ ທ່ານຍັງໄດ້ໃຫ້ຄຳໝັ້ນສັນຍາວ່າ ໃນການຊຸກຍຸ້ສົ່ງເສີມ ສະໜັບສະໜູນ ຊ່ວຍ ເຫຼືອ ແລະ ການສູ້ຊົນຈາກບັນດາພາກສ່ວນ ເມືອງຊຳເໜືອແຂວງຫົວພັນຈະໄດ້ຜ່ານຜົ້ນສິ້ນສຸດໄພພິບັດນ້ຳຖ້ວມ ຟື້ນຟູໄປສູ່ສະພາບ ເດີມ ປົກກະຕິໂດຍໄວໆນີ້ ແລະ ນັບມື້ນັບດີຂື້ນເລື້ອຍໆໃນອານາຄົດ.
